ដែន​ម៉ា​​ញេទិច
​ចរន្ត​ត្រង់​​

ចរន្ត​អគ្គិសនី​បង្កើត​ឲ្យ​មាន​​ដែន​ម៉ា​ញេ​ទិច​​។​ កម្មវិធី​​​នេះ​​បង្ហាញពី​ពិសោធន៏​មួយ​​ដែល​ទាក់ទង​ទៅនឹង ​ដែន​ម៉ាញេទិច​នៃ​ខ្សែ​ដែលមាន​​ចរន្ត​អគ្គិសនី​រត់​ត្រង់។ ចរន្តជា​ច្រើនឆ្លង​កាត់​​ខ្សែ​បញ្ឈរពណ៌ផ្ទៃ​មេឃធំ​មួយ​។ អ្នក​អាច​បញ្រ្ចាស​​ទិស​ដៅ​ចរន្ត​​ ដោយ​ចុច​លើ​ផ្ទាំង​ពណ៌​ក្រហម​។ នៅខាង​ចុង​គោល​ខ្សែផ្ទៃ​មេឃ​​ទាំង​ពី​រមាន​ប៉ូល​ ដែល​ភ្ជាប់​អាគុយ ។​ ទិស​ដៅសន្មត​​នៃចរន្ត មាន​​ព្រួញ​ពណ៌​ក្រហម​​ជា​តំណាង​។​ ចូរចាំ​​​ថា​ បម្លាស់​ទី​​អេ​ឡិច​ត្រុង​(ភាគ​ល្អិតតូចៗ​ពណ៌​ខៀវ)​ មាន​ទិស​ដៅផ្ទុយពី​ទិស​ដៅ​​​ចរន្តសន្មត​​​​​!​​

អ្នក​អាច​ត្រឡប់​មុខ​ម្ជុល​​ត្រី​វិស័យ​ (ដោយ​​ចុច​លើ​កូន​កណ្តុរ ហើយ​ទាញវា)។ វាបង្ហាញ​ពី​ទិស​ដៅ​នៃ​ដែន​ម៉ា​ញេ​ទិច​ (​ពណ៌​ខៀវ)​ នៅ​ត្រង់​​ទីតាំង​កំណត់​ណា​មួយ​។ ប៉ូល​ខាង​ជើង​ និង​​ខាង​ត្បូង​នៃ​ម្ជុល​ត្រី​វិស័យ​ គឺ​មាន​​លាប​ពណ៌​ក្រហម​ និង​ខៀវ។ ឥទ្ធិពល​នៃ​ដែន​ម៉ាញេទិច​​ផែន​ដី ​អាច​ចោល​បាន​​នៅ​ក្នុង​ពិសោធន៏​នេះ​។

ខ្សែ​ដែន​ម៉ាញេទិច​នៃចរន្ត​រត់​ត្រង់បង្កើត​ជារង្វង់រួម​ផ្ចិត​ជុំវិញ​អ័​ក្សកណ្តាលនៃ​​​ខ្សែ​នោះ​​។​ ​​ទិស​ដៅ​​ដែន​ម៉ា​ញេ​ទិច​​ ប្រកាន់​យកច្បាប់​ដៃ​ស្តាំ​ ​មានន័យ​ថា​​មេដៃ​ស្តាំ​ ចង្អុល​​​តាម​ទិស​ដៅ​នៃ​ចរន្ត​សន្មត​ រីឯម្រាម​ដៃ​ដទៃ​ទៀត​ក្តាប់​ខ្សែផ្ទៃ​មេឃនោះ​។ ម្រាម​ដៃដែល​ក្តាប់​នោះ​ហើយ​ ជា​​ទិស​ដៅ​​ដែន​ម៉ាញេ​ទិច​ដែលមានចលនា​ពី​ស្តាំ​មក​ឆ្វេង រឺ​ច្រាសពី​នេះ​​ អាស្រ័យ​ទៅតាម​​មេដៃ​ស្តាំ​ដែល​​ចង្អុលឲ្យ​ស្រប​តាម​​ទិសដៅ​ចរន្ត​សន្មត​៕

 

 
Physics
កម្មវិធីរូបវិទ្យា

URL: http://www.walter-fendt.de/ph14kh/mfwire_kh.htm
© Walter Fendt, September 18, 2000
Last modification: August 18, 2010